ഗുണ്സാണ്ടര് കഥകള്
എടീ….ഇന്നലെ ഒരുത്തന് എന്നെ പോക്കി.
രാത്രി കിടക്കാന് പോകും മുമ്പ് ഉണ്ടകണ്ണി തങ്കമണിയോട് പറഞ്ഞു.
ആരു നിന്നെ എപ്പോ പോക്കി?
തങ്കമണി ഞെട്ടി. ഇന്നലെ വൈകീട്ട് കോളേജു വിടും വരെ അവളുടെ കൂടെ ഉണ്ടായിരുന്നിട്ടും, അത് വരെ ആരും അവളെ പോക്കിയതായി അറിവില്ല. രാത്രി ഈ നേരം വരെ ഉണ്ടകണ്ണി കൂടെ ഉണ്ടായിരുന്നിട്ടും ലേഡീസ് ഹോസ്ടലില് വന്നു ആര്ക്കും അവളെ പോക്കാന് ഉള്ള ധൈര്യവും സമയവും ഉണ്ടാകുകയും ഇല്ല. ഈ ചെറിയ ഇടവേളക്കുള്ളില് ഏതു വൃത്തി കെട്ടവന് ആണ് അവളെ പൊക്കിയത് എന്റെ ഭഖവാനെ?
ഇടയ്ക്കു ഒരു ഒരു മണിക്കൂര് നേരത്തേക്ക് അവള് ഇന്റര്നെറ്റില് മെയില് ചെക്ക് ചെയ്യാന് പോയപ്പോള് എങ്ങാനും ആരെലും ആ പാവത്തിനെ പോക്കി കാണുമോ? എന്നാല് അത് അവളുടെ യോഗം. ഇത്രേം കാലം ആയിട്ടും കണ്ണും കയ്യും കാണിച്ചിട്ടും ആണൊരുത്തന് എന്നെ ഇത് വരെ പോക്കിയിട്ടില്ല. എന്നിട്ടും പാവം പിടിച്ച അവളെ പോക്കിയെന്നു പറയുമ്പോള്…..ആരാണ് ആ വില്ലോടിച്ച ശ്രീരാമന് കെങ്കേമ്മന്?
ആരു നിന്നെ എന്ത് എപ്പോള് എങ്ങനെ ചെയ്തു എന്നാ നീ പറഞ്ഞെ? തങ്കത്തിന് ആകാംഷ ആയി.
ഞാന് കഫെയില് മെയില് ചെക്ക് ചെയ്തു കൊണ്ടിരിക്കുമ്പോള് ഉള്ള കാര്യം ആണ് പറഞ്ഞത്. ഏതോ ഒരുത്തന് എന്നെ ദിവസവും വന്നു പോക്കുന്നു. ഇന്ന് ഞാന് തിരിച്ചു അവനേം പോക്കി.
അയ്യേ……….വാട്ട് യു മീന്? കാര്യം തെളിച്ചു പറയടീ എന്നെ ഇങ്ങനെ കൊതിപ്പിക്കാതെ. തങ്കത്തിന് നില്ക്ക കളി ഇല്ലാതെ ആയി.
എടീ പോത്തെ, ഞാന് ഫേസ് ബുക്കില് ഒരു അക്കൌന്റ് തുടങ്ങി എന്ന് പറഞ്ഞില്ലേ. അതിന്റെ കാര്യം ആണ് പറഞ്ഞത്.
അതില് ഒരു ഓപ്ഷന് ഉണ്ട്. ആര്ക്കും ആരെയും എപ്പോ വേണേലും പൊക്കാം.
പോക്കെ? അത് എന്തുവാ? തങ്കമണിയുടെ ബള്ബ് അപ്പോഴും കത്തിയില്ലാ…………………
ആ എന്തുവാ? എനിക്ക് അറിയില്ല. കുത്തുക, തോണ്ടുക……..എന്നൊക്കെ അര്ത്ഥം. ഉണ്ടകണ്ണിസ് വക വിക്കി നിഖണ്ടു എക്സ്പ്ലനെഷന്
അത്രേ ഉള്ളൂ കാര്യം. നീ എന്നെ വെറുതെ ആശിപ്പിച്ചു. ഞാന് കരുതി ആ കഫെയില് ഇരിക്കുന്ന പയ്യന് എങ്ങാനും നിന്നെ എന്തേലും ഒക്കെ ചെയ്തു കാണും എന്ന്. നീയും നിന്റെ ഒരു പോക്കലും.
എന്തായാലും ഉണ്ടക്കണ്ണിക്ക് ഫേസ് ബുക്ക് പെരുത്ത് ഇഷ്ടായി. ഉണ്ടക്കണ്ണിക്ക് മാത്രം അല്ല. തങ്കത്തിനും, അവരുടെ മറ്റു കൂട്ടുകാരികള്ക്കും ഫേസ് ബുക്ക് അങ്ങ് വളരെ ബോധിച്ചു. ആരെ വേണേലും എപ്പോ വേണേലും പോക്കാം, ചീര നടാം, ആടിനെ വളര്ത്താം, നിങ്ങളുടെ ഭാവി തീരുമാനിക്കാം, നിങ്ങള് എങ്ങനെ ഉള്ള ആളാണെന്നു ചില ചോദ്യത്തരങ്ങള് കൊണ്ട് കണ്ടു പിടിക്കാം. തങ്കത്തിന് ഏറ്റവും ഇഷ്ടമായത് ഭാഗ്യ നമ്പര് കണ്ടു പിടിക്കലും, ഫാം വില്ലെയും, പിന്നെ നിങ്ങള് എത്തരക്കാരന് ആണെന്നുള്ള ചോദ്യോത്തര പംക്തിയും ആയിരുന്നു. എല്ലാത്തിനും തങ്കം സത്യസന്ധമായി (നുണ) തന്നെ ഉത്തരം കൊടുത്തു.
ചോദ്യം ഒന്നു: നിങ്ങള് തിരക്കില് എന്തോ ചെയ്തു കൊണ്ടിരിക്കുമ്പോള്, നിങ്ങളോട് ആരെങ്കിലും ഒരു പേന കടം ചോദിച്ചു എന്ന് കരുതുക. നിങ്ങള് അവരോടു എങ്ങനെ പ്രതികരിക്കും?
എ. നിങ്ങള് അവരോടു ദേഷ്യപെടും. ബി. നിങ്ങള് ചിരിച്ചു സന്തോഷത്തോടെ പേന കൊടുക്കും. സി. നിങ്ങള് അവരെ ചീത്ത വിളിക്കും. ഡി. നിങ്ങള് അറിയാത്ത ഭാവത്തില് ഇരിക്കും.
അറുത്ത കൈക്ക് ഉപ്പു തേക്കാത്ത തങ്കം അമ്മിണി എടുത്ത വഴി ഉത്തരം എഴുതി. ബി. ചിരിച്ചു സന്തോഷത്തോടെ പേന കൊടുക്കും. ഫേസ് ബുക്ക് ആ ഉത്തരം കേട്ട് ഒന്നു ഞെട്ടി. കര്ത്താവിനെ കുരിശില് തറച്ചപ്പോള് കുറച്ചു നേരത്തേക്ക് ഭൂമിയില് അന്ധകാരം ഉണ്ടായ പോലെ, ഇത്രേം വലിയ നുണ കേട്ട് തങ്കത്തിന്റെ ഇന്റര് നെറ്റ് കണക്ഷന് വരെ കുറച്ചു നേരത്തേക്ക് ഔട്ട് ആയി പോയി.
ചോദ്യം രണ്ടു:
നിങ്ങളുടെ ഇഷ്ട നിറം ഏതാണ്?
തങ്കത്തിന്റെ ഇഷ്ട നിറം ഈ ലോകത്തില് ഇത് വരെ ആര്ക്കും എളുപ്പം വര്ണിക്കാന് പറ്റാത്ത വിധം കടുപ്പം ആയതിനാല് ആ നിറം മാത്രം ചോയ്സില് ഉണ്ടായിരുന്നില്ല, അത് കൊണ്ട് ചുമ്മാ ചുമപ്പ ഞെക്കി.
വേറെ രണ്ടു ചോദ്യത്തിന് കൂടി തങ്കം ഒരു മയവുമില്ലാതെ ഉത്തരം നല്കുകകയും, തങ്കത്തിന്റെ നെറ്റ് കണക്ഷനും, ആ പ്രദേശത്തെ മൊത്തം കണക്ഷനും കേടാകുകയും, ഒടുവില് ഒരു കൊച്ചു ഭൂമി കുലുക്കത്തോടെ തങ്കത്തിന് ഉത്തരം ലഭിക്കുകയും ചെയ്തു.
മിസ്സ് തങ്കം, ഈ പറഞ്ഞ കൊനഷ്ടു ചോദ്യങ്ങള് നിങ്ങളെ പോലെ തന്നെ ഒരു പത്ത് പതിനഞ്ചു പേര്ക്ക് കൂടി അയച്ചാല് നിങ്ങള്ക്ക് ഉത്തരം ലഭിക്കും. തങ്കം അപ്പോള് തന്നെ ലത് പതിനഞ്ചു പേര്ക്ക് അയച്ചു കൊടുത്തു. ഒടുവില് അവിടെ ഞെക്കിയും, ഇവിടെ ഞെക്കിയും തങ്കത്തിന് ഉത്തരം കിട്ടി.
തങ്കം നിന്നെ പോലെ സത്സ്വഭാവിയും, സുഗുണയും, സുന്ദരിയും ആയ ഒരു പെണ്കുട്ടി ഈ ഭൂമി മലയാളത്തില് ജനിക്കാന് ഇല്ല. മദര് തെരേസ കഴിഞ്ഞാല് വിശുദ്ധ ആയി പ്രഖ്യാപിക്കേണ്ട അടുത്ത വനിതാ നീ ആണ് തങ്കം………….തങ്കം അറിയാതെ കരഞ്ഞു പോയി..അന്ന് രാത്രി തങ്കം ഉറങ്ങിയത് പോലും ഇല്ല.
ഉണ്ട കണ്ണന് ഉണ്ട കണ്ണിയെ കാണുന്നത് വെറും രണ്ടു ദിവസം മാത്രം. വിട പറയാന് നേരം ഉണ്ടക്കണ്ണന് പറഞ്ഞു.
കീപ് ഇന് ടച്.
അമ്മിണി പറഞ്ഞു. എനിക്ക് ഫേസ് ബുക്കില് മാത്രമേ കട ഉള്ളൂ. ഓര്ക്കുട്ടില് ഇല്ല. ഇത് വരെ ഫേസ് ബുക്ക് കാണാത്ത ഉണ്ടക്കണ്ണന് അപ്പൊ തന്നെ പറഞ്ഞു. അതിനെന്താ ഞാന് ഒരു അഞ്ചു മിനുട്ടിനുള്ളില് നിങ്ങളെ അവിടെ ആഡ് ചെയ്യുന്നതായിരിക്കും. ഒരു പാവം പെണ്കുട്ടി ഫേസ് ബുക്കില് തുണ ഇല്ലാതെ അലയുന്നത് ഉണ്ടാക്കന്നാണ് ഒരു പക്ഷെ സഹിച്ചു കാണില്ല.
അങ്ങനെ ആണ് ഉണ്ടകണ്ണന് ഓര്ക്കുട്ട് വിട്ടു ഫേസ് ബുക്കിലേക്ക് പോയത്. ഉണ്ടക്കണ്ണന് പോയത് കൂടി കഷ്ടത്തില് ആയതു ഒര്കുട്ടന് ബോയ്കുട്ടന്. പാവം പാവം ഓര്ക്കുട്ട്. ഗൂഗിളിനെ സംബധിച്ചിടത്തോളം വളരെ പ്രസക്തമായ ചോദ്യം ഉണ്ട കണ്ണനെ പോലെ ഉള്ളവരുടെ കൊഴിഞ്ഞു പോക്ക്. ഗൂഗിളിന്റെ ഓര്ക്കുട്ടില് നിന്നും രായ്ക്കു രാമാനം ആണും, പെണ്ണും ആണും പെണ്ണും കെട്ടതും, ആയ എല്ലാ സാധനങ്ങളും ഒരു മയവും ഇല്ലാതെ ഫേസ് ബൂകിലേക്ക് പോകുന്നത്.
കാരണം വേറൊന്നും അല്ല. പെണ്കുട്ടികള്ക്ക് കാര്യങ്ങള് ഒക്കെ ഒന്നു വളച്ചൊടിച്ചു പറഞ്ഞാലും ചെയ്താലുമേ ഇഷ്ടമാകുക ഉള്ളൂ. ഓര്ക്കുട്ട് ആണേല് നേരെ വാ, നേരെ പൊ ടൈപ്പും, ഫേസ് ബുക്ക് ആണേല് ആകെ മൊത്തം ഒരു സ്ത്രൈണ ഭാവമുള്ള വളഞ്ഞൊടിഞ്ഞ ടൈപ്പും. പെണ്കുട്ടികള് മൊത്തം അങ്ങനെ ഫേസ് ബോക്കിലേക്ക് ചേക്കേറുമ്പോള്, ഓര്കുട്ടിലെ പുവര് ഗുയ്സ് എന്ത് ചെയ്യും? പത്തായത്തില് നെല്ലുണ്ടെല് തുരപ്പന് പാലക്കാട്ട് നിന്നു പോലും വരും എന്ന് പറഞ്ഞ പോലെ ഹുടുഗികള് എല്ലാം ഫേസ് ബുക്കില് ചേക്കേറാന് തുടങ്ങിയാല് ഹുടുഗന്മാര് എന്ത് ചെയ്യും.?
അക്കൗണ്ട് തുടങ്ങിയതും തങ്കമണി സ്വന്തം സ്ടാറ്റസ് ഒരു മണിക്കൂറില് മൂന്നെന്ന രീതിയില് അപ്ഡേറ്റ് ചെയ്തു കൊണ്ടിരുന്നു. ഭക്ഷണം കഴിക്കുന്നു, ചായ കുടിക്കുന്നു, വീട്ടിലേക്കു പോകുന്നു, വീട്ടില് നിന്നും പോകുന്നു, എന്ന് തുടങ്ങി ആകാശത്തിനു കീഴെ തങ്കത്തിന് എന്തൊക്കെ ചെയ്യാന് കഴിയുമോ അതൊക്കെ തങ്കം അപ്ഡേറ്റ് ചെയ്തു. തങ്കത്തിന്റെ അപ്ടെട്ട് കിട്ടേണ്ട താമസം, ആയിരം പേര് അത് ലൈക്കാന് തുടങ്ങി. ഫേസ്ബുക്കില് ഇഷ്ടങ്ങള്ക്ക് മാത്രം സ്ഥാനം ഉള്ളതിനാല് ആരു എന്ത് ചെയ്താലും അതൊന്നും ഇഷ്ടപെടാതിരിക്കാന് കഴിയില്ല. ഞാന് ഏകയാണ്, ദുഖിതയാണ്, എന്ന് തുടങ്ങി ഞാന് ഇന്നലെ പടമായി (കാഞ്ഞു പോയി) എന്ന് എഴുതിയാല് വരെ ആള്ക്കാര് ഇഷ്ടപെടാന് തുടങ്ങി.
ഫേസ്ബുക്കില് ആദ്യം കണ്ട ഒറ്റ തലയന് പാമ്പ് , ഏതാനും നിമിഷം കൊണ്ടു ഫോട്ടോ ഷോപ്പില് രണ്ടു തലയന് ആകുന്നതും, പത്ത് മിനിട്ടിനുള്ളില് വേറൊരു പ്രൊഫൈലില് മൂന്നു തലയന് ആകുന്നതും, ഒടുവില് ദൈവം ആകുന്നതും, ഹിമാലായ സാനുക്കളില് ഒരു പ്രത്യേക മരം മാത്രം സ്ത്രാകളുടെ ആകൃതിയില് കായ ഉണ്ടാക്കുന്നതും എല്ലാം കണ്ടു തങ്കമണി ലൈക്കുകള് ഞെക്കി സംതൃപ്തയായി. ഉണ്ണിക്കത്ഭുദം ആഹ്ലാദം
എല്ലാം കണ്ടും കേട്ടും തങ്കമണി വളര്ന്നു. തങ്കമണിയെ പോലെ ഒരായിരം യുവ തലമുറയും.
ഫേസ് ബുക്ക് അന്നും ഇന്നും ഫ്രീ ആണ്……………തുടര്ന്നും ഫ്രീ ആയിരിക്കും …എന്ന ആപ്തവാക്യം ഉള്ക്കൊണ്ട് കൊണ്ടു തങ്കം ഫേക്ക്ബുക്കില് അടുത്തു പടമായ ആരുടെയോ ആദരാഞ്ജലികള്ക്കു മേല് ലൈക്കി അങ്കം വെട്ടി കൊണ്ടേയിരുന്നു.
————————————————————-
നതിംഗ് കംസ് ഫോര് ഫ്രീ……..യു ഹാവ് ടു ലോസ് സംതിംഗ് ടു ഗെയിന് സംതിംഗ്
